ORANJESTAD (AAN): E siman aki a observa cu Rugia A. Siliee ta celebrando su di 35 aniversario na Hilton resort,
y diferente colega di Rugia tabata presente na e ceremonia, unda el a ricibi un aprecio publico, como tamba reconocemento, y regalonan pa un bon trabao haci pa mas di 3 decada y mey.
General Manager, Vasco Baselli, a refleha riba Rugia su cualidadnan di liderazgo, su abilidad pa motiva y inspira otronan, su humildad y determinacion pa semper haci mas di loke e mester:
‘Nos ta hopi agradecido na bo contribucionnan baloroso, y fieldad, pero mas cu tur cos nos ta aprecia bo 35 aña di tremendo dedicacion na Hilton Aruba Caribbean Resort & Casino,’ el a bisa.
Aki por mira director di Recurso Humano, Glenn Farro cu Rugia y tambe General Manager Vasco V. Baselli.
