ORANJESTAD (AAN): El a participa den e sorteo di Zodiac, door di cumpra ticket cu number consistiendo di cuatro cifra, y a pone signo zodiacal na dje.
Pesey mes Rudeline a bira feliz y contento ora anochi el a nota cu el a gana.
Pa tal motibo, riba Diamars el a acudi na oficina di Lotto na Playa, unda el a bay reclama su premio. Personal di Lotto a check si el a pone su firma patras di e ticket y asina a scan e barcode.
E computer inmediatamente a indica cu Rudeline a gana e premio di 12.500 Florin cu Zodiac Anochi.
Mesora a start e proceso pa transferi e premio electronicamente pa su cuenta di banco. Rudeline a indica cu e ticket ganador el a cumpra na Tarabana Lottery.
