ORANJESTAD (AAN): Un relato cu a aparece recien den prensa na Spaña, a elabora extenso riba tur fan di plafon cu ta wordo bendi na e conocido compania di hardware y hardin, esta Leroy Merlin.
Leroy Merlin ta ofrece un serie di fan di plafon (‘ceiling fan’) cu yama ‘INSPIRE’ cu ta hopi silencioso, y cu diferente nomber.
Uno di nan cu prensa na Spaña a elabora riba dje, ta e modelo ‘INSPIRE Aruba Plus’ cu ta color blanco, y cu hanchura di 112 cm, cu motor DC.
E relato ta menciona cu e modelo aki ta uno cu ta destaca hopi na tiendanan di Leroy Marlin. E ta wordo bendi eynan pa 129 Euro, y segun e corant, e ta barata y eficiente. Pues nan ta consider’e un bon inversion pa un fan eficiente energeticamente, cu ta yudabo spaar coriente.
E tin un luz LED cu 2.200 Lumens, y bo por dim esaki pa ta menos cla den e lugar unda e ta instala. Pesey e modelo INSPIRE Aruba Plus ta un di esnan top bendi di e marca aki. Su motor ta DC, y pesey e ta hopi silencioso mes.
Ademas, e palabra ‘Aruba’ den e producto mes indirectamente ta duna propaganda pa e isla turistico aki.
