PHILIPSBURG: Diahuebs siman pasa, e asina yama Royal Schiphol Group a menaza di retira su sosten di e proyecto di reconstruccion di Terminal di Aeropuerto di St. Maarten,
si acaso “Proper Corporate Governance” no wordo restableci bek pa Princess Juliana International Airport (PJIA) prome cu 26 di Mei venidero.
Esey ta loke director di Schiphol International, esta Kjell Kloosterziel a bisa Prome Ministro Silveria Jacobs y Ministro di Finanzas Ardwell Irion den un carta.
Segun The Daily Herald di St. Maarten, Kloosterziel a skirbi cu e sosten di Royal Schiphol Group pa e proyecto di reconstruccion ta bao condicion di proper corporate governance na e compania operador di e Aeropuerto, y e holding compania PJIAH di Aeropuerto.
Schiphol na numeroso ocasion a mustra nan preocupacion na e forma di maneha Aeropuerto ultimo luna, specialmente ora cu a retira e CEO Brian Mingo di e compania cu ta operando Aeropuerto na comienzo di April.
Tambe tin informe no-confirma cu hunta directiva di e compania holding di Aeropuerto, a actua pa reemplza tres miembro di e hunta di supervision na fin di April, cu por splica mas e deadline cu Schiphol awor a pone riba Gobierno. Pero e carta no ta menciona specificamente ki violacion a socede den maneho di e companianan aki.
Pero Kloosterziel ta adverti si cu Schiphol lo termina su sosten na e reconstruccion mey-mey di Juli, cu excepcion si proper governance na e Aeropuerto wordo restableci na un forma structural prome cu 26 di Mei 2021.
