Aruba ta na caminda pa un total di 56 mil persona vacuna

Ban yuda logra e meta di 85% 

ORANJESTAD (AAN):  Departamento di Salud  (DVG) a indica cu te cu diasabra 8 di Mei pa 7:30 pm, 55,744 persona a haya e vacuna pa preveni Covid-19 na Aruba.

A haya e prome dosis un total di 30,789 persona y a keda cla cu e di dos dosis un total di 24,955 persona.

E total di vacuna aplica ta  80,699, segun datonan di DVG.

Te cu awor tin un 56% di e poblacion vacuna y e meta ta pa yega na 85% y asina por logra e inmunidad colectivo.

Si bo persona no a vacuna ainda bo por acudi sin cita di dialuna pa diabierna na e localidadnan di vacunacion na Centro Libertador Betico Croes of na Teresita Center na San Nicolas.