Rotonde di Sero Blanco den ambiente di Pasco danki na Setar NV

ORANJESTAD (AAN):   Diabierna anochi, e rotonde di Sero Blanco a keda inaugura cu luznan y hopi bunita decoracion bao encargo di e compania di telecomunicacion SETAR NV.

            Acompaña pa musica di Pasco di DJ Jenny y partiendo cupcakes pa tur automobilista cu a pasa admira e rotonde di Sero Blanco, Kylie & Katya Silberie a yuda SETAR cende su luznan di kerstboom.

            Ta un tradicion di SETAR caba, pa decora e rotonde na Sero Blanco tur aña, asina comparti e magia di Pasco cu tur hende cu pasa banda di e rotonde.

            Aruba ta disfruta di e rotondenan bunita decora y cu esaki SETAR tambe ta aporta un biaha mas pa haci e temporada aki extra dushi.

             Riba imagen e team di SETAR treciendo ambiente di Pasco na tur cu a pasa bishita e inauguracion di e rotonde di Sero Blanco. 
SETAR ta invita Aruba pa pasa te cu 6 januari pa mira e rotonde Sero Blanco bunita decora.