ORANJESTAD (AAN): Diaranson awo, 11 di juni, lo tin otro Rosario Bibo na Kapel di Alto Vista.
Lo cuminsa resa pa 7 or y mey di anochi y tur presente lo por presenta nan intencion personal y general.
Lo resa hunto pa paz na mundo y den cada cas di famia na Aruba. Lo resa tambe pa tur enfermo, esnan den cas di cuido y pa nos hobennan.
Den nos oracion lo corda esnan tambe den necesidad material pa nan por haya alivio y solucion pa nan situacion.
Comision organisado ta invita tur hoben y adulto pa bin resa hunto na pia di nos Birgen di Alto Vista y pa tur intencion yega cerca Tata Celestial pa medio di intercesion di nos Mama Maria.
