ORANJESTAD (AAN): Un di e popular weganan di lotto na Aruba keto bay ta Zodiac. Aki bo ta escoge un number consistiendo di cuatro cifra, y agrega un signo zodiacal na dje y ya bo ta den wega.
Esey ta exactamente loke Rosanne a haci tambe, y el a gana.
Pesey mes riba Dialuna el a acudi na oficina di Lotto pa reclama su premio. Na su yegada mesora e empleadonan di Lotto a check si acaso el a pone su firma na e parti patras di e ticket, y asina a scan e barcode den computer.
E computer inmediatamente a indica cu Rosanne a gana e suma di 12.525 Florin cu Zodiac Anochi.
Asina a cuminza cu e proceso pa transferi e premio electronicamente pa su cuenta di banco. Rosanne a indica cu e ticket ganador el a cumpra na Candy’s Lottery.
