ORANJESTAD (AAN) –Manera ta conoci Formador di Gobierno, Evelyn Wever-Croes tin dos siman reuniendo cu e stakeholders den cuadro di formacion,
entre nan a reuni cu instancianan cu tin di haber cu comercio, y tambe cu Comerciantenan Uni Aruba, y e anhelo di un y tur ta pa mira un recuperacion economico pronto y un desaroyo na corto plazo tambe.
Matutino DIARIO a dicidi bay Caya y entrevista algun comerciante, pa saca afo kico ta nan expectativa awo y pa futuro.
Ronald Speyer ta un comerciante emprendedor, cu tres luna pasa a bolbe for di Hulanda cu idea di yuda su mama, cu un bar cu e tabata tin. Awo nan a traha un lugar nobo yama “Coffie Shop Playa” pa yuda lanta Aruba su economia y trece mas bida den Caya Grandi.
“Nos a bin cu e idea di traha algo nobo den Caya cu ta ofrece algo saludable, pasobra den Caya Grandi no tin hopi bar cu ta saludable. Asina nos a bin cu idea di bin cu smoothie Bowls y tambe cu algo vegetariano. Awo nos a cuminza y nos ta wak con e ta bay. E kier yuda build up Caya Grandi.
