Robert Maduro nombra como ‘Baluarte Cultural 2026’

Door di Fundacion Chico Harms

ORANJESTAD (AAN): E carismatico musico di tur tempo, Robert Maduro a wordo nombra door di Fundacion Chico Harms como e ‘Baluarte Cultural 2026’, durante un brindis special na su honor.  Di e forma aki e cuna di cultura na Brazil ta sigui duna homenahe na esnan cu ta keda mantene cultura di e isla na pecho, y cada aña ta sigui braza nan cultura.

   Via di e homenahe special aki, e Fundacion ta reconoce e trayecto largo y semper e dedicacion cu Robert tin pa yuda promove y sostene cultura di e isla aki, y e ta haciendo esey pa hopi decada caba.

   Chico Harms mes a haci entrega di regalo na Robert Maduro.  Claramente por a mira cu Robert Maduro a balora e honor aki grandemente, y e ta mir’e como un gran reconocemento, cu alavez ta sirbi pa sigui motiv’e pa e traha pa keda pusha cultura y yuda futuro generacion recorda kico e tradicionnan di Aruba tabata a lo largo di tempo.  E potretnan aki pa cortesia di Fundacion Chico Harms.