Robert Maduro, ganador absoluto di Festival “Cantica di Caya 2023” cu cancion “Laga Caya Papia”

ORANJESTAD (AAN) – Diasabra anochi, a tuma lugar e tremendo Festival “Cantica di Caya 2023”, den Bario Brasil,

cual ganador absoluto a resulta señor Robert Maduro, mas cu bon conoci den comunidad, cu su cancion “Laga Caya Papia”.

A gana e di dos lugar Hubert Ras y di tres lugar Jelisse Boekhoudt.

Robert Maduro tabata hopi contento y el a expresa algun palabra, bisando cu e ta biba cu cultura y den su sanger ta cultura ta core.

Hunto cu dos integrante di su grupo musical a traha e cantica cu Dios a bendiciona cu premio. E grupo musical ta “Amor di nos cultura” y nan a pone ambiente riba caya.

Maduro kier pa e publico keda pendiente pa dia 1 y 3 di September venidero, ora cu lo ta riba caminda cu algo mahestuoso cu un grupo magistral di señora Mirelda.

Otro ganadornan tabata cu Brisa Tropical, Lizanne Web (ganador Infantil); Un Brindis, unda Lysann Ras a sali prome finalista infantil, y Georvin Angela como ganador hubenil. Hopi pabien na e talentonan aki cu nan premio tan mereci.