Conocido concierge Rudy di Colegio Arubano a baha cu pensioen

ORANJESTAD (AAN): Despues di casi 1 aña di vakantie ta warm up pa pensioen, porfin e dia a yega!

  E ta conoci pa tur alumno cu a bay Colegio Arubano den ultimo tres decada.  Ta trata aki di Rudolf Thiel, conoci pa tur hende como ‘Rudy’.

   Gran parti di su trabao na Colegio Arubano, Rudy a funciona como ‘Concierge’, pues e contacto cu alumnonan ta bastante!  Y alumnonan tabata aprecia su forma humoristico di comunica cu nan, y alavez tabata balora bastante e yudanza y sosten cu e ta duna pa hasta duna nan tip pa nan futuro estudio.

   E ta wordo mira como un persona balente, cu ta haci tur trabao, y nunca ta bisa no ora bo pidi algo.  Hopi studiante tabata sinti cu semper Rudy como Concierge tabata tey pa sostene nan.

   Ultimo 3 añanan, Rudy a traha na Colegio Arubano como ‘Technisch Opzichter’.  Pero awor si e momento a yega cu e ta bay disfruta di su pensioen bon mereci.

   Esaki ta un momento cu directiva di Colegio Arubano, hunto cu varios docente y colega a reuni pa un brindis di despedida.  Tur hende presente un biaha mas a gradici Rudy pa su bon trabao, pa e inmenso sosten, y apoyo ricibi durante 3 decada na e scol den Vondellaan.  Nan tur a desee pa goza di e etapa nobo aki di bida.