Rij largo pa acudi na e Test Center situa na Hospital

ORANJESTAD (AAN):  Dialuna a habri cu 248 caso nobo di Covid-19 y esaki sigur no ta un bon señal ora di pensa con e cantidad di casonan lo sigui den e dianan aki mirando cu tin fiesta,

reunion familiar, etc y cu hopi hende no ta tene cuenta cu e protocolnan.

Riba dialuna tambe por a constata cu tabata tin un rij largo di auto cu tabata na caminda pa e Test Center di Covid-19 ubica patras di Hospital.

No ta descarta, manera a menciona, cu e casonan lo sigui subi y cu e rijnan aki lo continua durante e ciere di aña 2021.

Mester corda cu tin un protocol pa bay test.

Pa esnan cu no tin cita y tin un of otro sintoma di covid-19 por fabor:

• yama bo docter di cas (pa casonan agudo e number di emergencia di bo docter di cas) of
• registra pa haci e test via of
• yama 280-0101

Acudi na e orario y dia stipula y corda cu despues di test mester warda resultado na cas.