Riba Plaza Betico Croes a celebra en grandi e 20 Aniversario di Encuentro Multicultural na Aruba  

John Freddy Montoya di DCA:

• Ademas di e Prome lustro di Dia Mundial Diversidad Cultural 

ORANJESTAD (AAN) – Diasabra 17 di Mei, a wordo celebra riba Plaza Libertador Betico Croes e di 20 aña di Encuentro Multicultural y e Prome Lustro di Dia Mundial di Diversidad Cultural.

   John Freddy Montoya, funcionario di Departamento di Cultura Aruba (DCA), den entrevista cu DIARIO a declara cu durante e celebracion aki, tur pais residencia na Aruba tabata tin oportunidad di comparti nan cultura, y di e forma aki conoce di otro e diferencianan cultural, respeta, aprecia, y aporta na loke ta dialogo pa nos genera un desaroyo importante pa nos comunidad.

E tema central tabata: “Pone e Arubiano na haltura di su cultura y siña conoce di otro”.

“Nos ta brinda e plataforma aki ya pa 20 aña, na diferente grupo, cu a bin cu un feria gastronomico, y cultural den forma di musica, baile, canto y nos pueblo por a disfruta di un evento den cual mas di 30 grupo a participa y celebra e di 20 aniversario di encuentro cultural”, Montoya a relata.

Riba combinacion di potret por aprecia algun imagen di e gran celebracion cultural aki.