Riba invitacion di minister di Economia Prof. Mr. Wino van Veen a duna seminario riba ‘Corporate  Law’

ORANJESTAD (AAN): Prof. Mr. Wino van Veen a wordo invita pa Minister di Economia Geoffrey Wever pa duna un seminario Diaranzon riba Corporate Law.

Prome cu comienzo di e seminario na Hyatt Place DIARIO a entrevista Prof. van Veen, kende ta docente na Vrije Universiteit Amsterdam.

El a splica cu e seminario ta wordo duna a consecuencia di modernizacion di leynan corporativo na Aruba, unda cu varios cambio a wordo implementa.

Den e seminario van Veen a duna un splicacion riba e cambionan mas importante, como un di e personanan cu a traha tambe riba e cambionan aki.

Puntonan importante cu el a trece dilanti durante e seminario ta sistematizacion di e leynan di corporacion y e diferencianan mas importante entre e diferente tipo di entidadnan.

“Cerca e personenvennootschappen tin hopi cambionan y esaki tin consecuencia pa e responsabilidad di socionan”.

Tin cambionan di contenido tambe pa por ehempel e asociacionnan  y e NV-nan, segun van Veen.

El a splica cu e intencion ta pa duna un imagen di kico e posibilidadnan ta na Aruba pa empresarionan.

Prome cu Diaranzon e professor a duna seminarionan caba na Universidad di Aruba y na notarionan di Aruba.