ORANJESTAD (AAN): Un di e weganan di mas popular di Lotto keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Hose a haci tambe. El a hunga su numbernan vast, y a bira feliz pa nota cu el a gana.
Pesey riba Dialuna el a acudi na oficina di Lotto pa Deporte unda cu el a bay reclama su premio. Aki e funcionario di Lotto a revisa su ticket pa check si e tin e numbernan di banco marca, y su firma. Ora di scan e barcode, e computer a confirma cu Hose a gana e suma di 77.500 Florin cu wega di Zodiac Merdia.
Mesora a sigui cu e proceso pa transferi e premio electronicamente pa su cuenta di banco.
Hose a indica cu e ticket ganador el a cumpra na Lucky Lotto Corner 2.
