Rey Willem Alexander a tuma trono na 2013

Willem-Alexander Claus George Ferdinand ta naci dia 27 april di aña 1967 na Utrecht Hulanda y

ta yiu mayor di Reina Beatrix y Claus van Amsberg y ta haya e titulo di Prins van Oranje-Nassau y Prins der Nederlanden.

Willem- Alexander ta e prome baby mucha homber desde e nacemento di Prins Alexander na 1851 yiu di Willem III, Rey di Hulanda.

Rey Willem Alexander ta tuma Trono Hulandes na 2013 na momento cu Reina Beatrix ta abidica. Esaki ta trece cu despues di 123 aña Reino Hulandes ta conoce un Rey.

Rey Willem Alexander ta trece cambio ariba e fecha di celebracion di Aña di la Reina y desde 2014 ta celebra Dia di Rey ariba 27 di April.

Na Aruba e celebracion di Dia di Rey ta sigui desaroya. Na school e muchanan ta celebra Weganan di Rey diseña pa e promove movecion y competencia deportivo entre e muchanan.

E actividadnan social y weganan popular a sigui keda celebra

Na aña 2020 y 2021 pa motibo di pandemia di e virus di Covid tur actividad relaciona cu dia di Rey a para.

E aña aki, 2024 Willem-Alexander ta celebra su di 57 aña di bida.

Rey Willem Alexander ta casa na aña 2002 cu Maxima Zorreguieta Cerutti ( Argentina) y tin tres yiu muher

*Catharina-Amalia cu ta Prinses van Oranje y heredero di Trono Hulandes

*Prinses Alexia

*Prinses Ariane.