Na 1948 Reina Wilhelmina ta baha for di Trono Hulandes despues di 58 aña y su yiu muher mayor Juliana ta bira Reina di Hulanda.
Reina Juliana ta trece un cambio ariba e fecha cu ta celebra Aña di La Reina y esaki ta keda celebra pa prome biaha dia 30 di April 1949. E fecha cu Reina Juliana a nace.
Aña di La Reina ta bira un fecha cu oficialmente ta liber den Reino Hulandes y ta bira un fiesta nacional.
Na Aruba na 1948 ta funda Oranje Vereniging y tabata organisa y coordina tur actividad relaciona cu Aña di La Reina.
E tradicional aubade na Bestuurskantoor di ta haya mas bida y ta bira mas grandi, desfile militar, parada di flambeu, desfile di clubnan deportivo, encuentro deportivo na diferente tereno di deporte y clubnan social.
Den periodo aki tambe weganan popular ta haci su entrada y ta bira popular na Aruba.
Un actividad cu tambe ta trece hopi hende na clubnan social of deportivo ta e baile di cinta den colornan cora, blanco y blauw.
Na schoolnan e muchanan ta haya liber, ariba e dia prome ta haya saco di cos dushi y cu tempo a bira saco cu appel y apelsina.
Compila pa Roberto G. Croes
Nos Historia Nos Herencia
