ORANJESTAD (AAN): Recientemente Alto Comisario di Polis drs. Ramon Arnhem conhuntamente cu Alto Comisario di Sint Maarten y delegacion di Corsow a haci un bishita di trabou na Politie Academie situa na Apeldoorn, Hulanda.
Esaki tabata un conferencia di dos dia cu a tuma lugar pa e un miho colaboracion internacional y inter-regional den enseñansa policial. A reuni y explora oportunidadnan pa por sigui reforsa e colaboracion entre e partner den reino.
Tambe a elabora riba un plan pa contribui cu formacion y desaroyo di e cuerponan den reino pa tambe cu enfoke pa e personal den e cuerpo y innovacion den enseñansa.
Pa Aruba e colaboracion aki ta esencial pa haci nos organisacion policial mas fuerte ainda dor di inverti den e personal. A toca cinco diferente tema pa Aruba manera: SGBO cu ta encera eventonan di magnitud grandi, desaroyo di liderasgo, maneho di incidente, Polis di Bario y inteligencia .
A enfoca riba dos punto importante cu ta 'Community Policing' y 'Intelligence Based Policing' pa cu Cuerpo Policial Aruba. KPA ta den pleno desaroyo pa un cambio positivo pa Aruba y pa e organisacion por sigui crece y ta un stap dilanti pa e seguridad nacional di e Pais.
