Reunion exitoso cu Directora di Ministerie van Buitenlandse Zaken di Hulanda; sector Westelijk Halfrond

Ministro Geoffrey Wever satisfecho

ORANJESTAD (AAN): Recientemente Minister Geoffrey Wever a ricibi bishita di señora Marjan Kamstra, directora di Westelijk Halfrond Ministerio di Buitenlandse zaken na Hulanda y señora Annemieke Verrijp cu ta estableci na Curaçao pa e islanan Hulandes. Durante e reunion aki a elabora riba diferente topiconan manera e maneho economico di President  Trump, referente e subida di tarifanan di importacion y ki impacto esaki por tin pa economianan di Hulanda y e islanan di Caribe Hulandes.

   Minister Wever hunto cu Economishe Zaken haci un analisis macro economico pa por tin un bista mas amplio di e posibel consecuencianan cu esaki por tin pa e maneho aki pa Aruba. Como cu e decisionan di President Trump ta varia lo keda monotoria esaki y haci analisis nan regularmente y asina purba ta un stap dilanti pa minimalisa e impacto y consequencia cu esaki por tin pa Aruba, principalmente  e efectonan riba nos inflacion.

  Temanan cu tambe a worde discuti ta e coleboracion entre embahadanan di reino den e region di America Latino y Caribe pa asina ofrece informacion nan cu entre otro comerciantenan local den respectivo mercadonan den regio por beneficia di dje.

   Manera ja caba a demostra den pasado, regularmente reino ta organiza misionnan comercial den e region pa comerciantenan di Aruba y di e otro islanan di Caribe Hulandes por participa y asina sondia posiblidadnan pa por haci negoshi. Asina aki mes Minister Wever hunto cu delegacion nan di DEACI, KVK, ATIA y comerciantenan local a atende na diferente mision nan manera na Colombia, Hulanda, Surinam y recientemente na Panama.

  Den luna di maart benidero Rijksdienst voor Ondernemend Nederland  (RVO) lo bin Aruba pa duna un presentacion combina cu un workshop riba e diferente posibilidad cu nan ta ofrece. Tambe lo elabora riba misionnan comercial cu lo bay worde organiza durante 2025. 

   Minister Geoffrey Wever ta gradici señora Kamstra y señora Verrijp pa nan bishita.