Reunion cu embahador di Hulanda y Consul General di Hulanda cu ta residencia na Merca

ORANJESTAD (AAN): Diaranzon mainta Minister di Turismo y Salud Publico sr. Dangui Oduber tabata tin un reunion pa asina conoce e embahador di Hulanda señora Tarzelaar,

cu ta residencia na Washington y tambe e Consul General di Hulanda señora Den Breems, cu ta residencia na Miami.

  Un reunion unda a elabora ariba diferente topiconan manera; diversificacion di turismo, rutanan nobo di carga pa explora di Merca pa Aruba, shore power y posibilidadnan pa un colaboracion cu MD Anderson di cancer treatment institute.

  Merca ta keda nos mercado di turismo mas grandi y ta importante pa mantene un bon comunicacion y relacion cu esnan cu ta representa nos pais Aruba den exterior pa asina nos sigui amplia nos conexion cu Merca.