Resureccion di autonan di pasado

Saludos cordial!  Ata aki SpeedWorld cu boso amigo Hubert ‘the Furai’ Tiel.

   Awe SpeedWorld kier a enfoca un rato, loke ta e trend nobo na Aruba, esta pa por drecha, renoba y aprecia vehiculonan di motor, cu ya tin nan aña.

   Ta bon conoci cu aki na Aruba tambe, nos tin hopi amante di tanto auto como motorcycle cu tin su edad. Hopi di e vehiculonan aki tin un of mas historia y ta masha bunita pa no laga esey bay perdi. Pesey SpeedWorld ta sigui cu cobertura di e vehiculonan aki. Sinembargo tambe nos kier trece dilanti, e preocupacion grandi cu ta existi, caminda e doñonan, ta grita pa un reduccion di belasting di importacion, pa e tipo di vehiculonan aki, ya cu na final di dia, ta un hobby e ta y no ta algo pa gana placa cune.

   Ta di spera cu e departamento concerni, hunto cu e minister concerni, tene extra cuenta cu esaki, cu motorsport, ta un sport y no un negoshi.

   Anyhow mensen, te cu otro siman cu poder di Dios, tene cuenta cu ariba caya ta pa core basila, y ariba pista bo mag di bay trot den bom.