Restaurantnan di luho cu carni di bon calidad pa huespednan di Hotel RIU Palace Aruba

ORANJESTAD (AAN): Diamars mainta durante un recorido den e recien renoba Hotel RIU Palace Aruba,

na un costo di 110 miyon Florin, DIARIO hunto cu demas invitadonan a bay mira con a remodela e diferente restaurantnan a-la-carte cu nan tin eynan.

   A sali na cla cu RIU ta haciendo un revision profundo di su ofertanan culinario. A revisa y mehora e menu, productonan y preparacionnan, pero tambe e diseño interior, e bonbini y e tempo di servicio ta ofrece un experiencia nobo, completo y ta diferencia den cada un di e restaurantnan tematico.

   Gerente di Food & Beverage, Sr. Edgar a splica cu un restaurant nobo di nan yama ‘Steak House’, cu carninan ‘prime’ manera New York Sirloin, Lobster, y ta importa steaknan di un compania top nivel di Merca.  Tambe ta sirbi bon biña tambe cada anochi pa cena.

   Tambe tin Milano Restaurant cu cuminza Italiano, Krystal Restaurant cu cuminda local, Sayuri Restaurant cu ta cuminda asiatico, un Elite Restaurant special pa miembronan Elite di RIU, y tambe un Sportsbar cu yama ‘American Country’.

   Nan Restaurant Buffet principal ta ‘Don Nicolas” cu un buffet internacional.

   Sr. Edgar tabata mustra di ta hopi orguyo cu su chefnan y gerencia di Hotel RIU Palace Aruba ta dedicando tur nan tempo pa asina sirbi e miho cuminda pa nan huespednan.  Aunke el a admiti cu hopi turista toch gusta sali y bay come na restaurantnan local cu tin rond di Aruba, incluyendo te na Savaneta.