Renobacion di Sint Aloysius School bayendo den bon direccion

ORANJESTAD (AAN): Parlamentario Shailiny Tromp-Lee a indica na DIARIO,

cu recientemente el a haya e oportunidad sorpresa pa tira un bista riba e trabaonan tumando lugar na St. Aloysius School na Noord. 

   Segun e Parlamentario di MEP, el a haya full un recorido y splicacion for di Directora di SKOA señora Anuesca Baly.

  Sigur e por a tuma nota di tur trabaonan cu ya a tuma lugar y kico tur ta tumando lugar. Ainda no a cuminsa cu e gymzaal pero dentro di poco lo start cu esaki. Y na final full e speelplaats ta bay keda renoba. E school su coriente completo ta bay keda drecha y tur klas lo haya airco. 

   Sigur mi ta contento con e trabaonan ta bayendo y ta spera cu pronto nos muchanan di Noord por ta back den cura di misa y no mester bay te Playa mas. 

   E proyecto aki ta uno cu for di un comienso mi a pusha pa e keda realisa, pues mi ta hopi contento di bira e progreso pa cu e renobacion y lo mi keda sigui e proyecto aki di cerca.

   DIARIO ta gradici Parlamentario Shailiny Tromp-Lee pa e potretnan aki.