Aruba Bank ta orguyoso di patrocina team U13 di RCA

ORANJESTAD (AAN): E team di RCA U-13 tambe ta cla pa estrena uniform nobo cu ayudo di Aruba Bank.

   Gerencia a splica cu Aruba Bank a haci donacion di unform nobo na RCA su equipo di U-13 pa e temporada di futbol 2022-2023.  Nan tabata presente durante di un ceremonia di presentacion oficial na Gloria Entertainment Complex.

  Aruba Bank tabata presente pa estrena e uniform nan nobo simbolicamente y a desea e equipo tur cos bon. E hungadornan di RCA tabata feliz cu nan uniform nobo y tabata cu un sonrisa grandi riba nan cara. Coachnan y futbolistanan a gradici Aruba Bank p’e uniformnan nobo.

   E ekipo U-13 di RCA ta cla pa estrena nan uniform nobo p’e resto di temporada di futbol 2022-2023. Aruba Bank ta contento di sigui aporta na deporte na Aruba y ta desea e ekipo completo exito.