Renaissance Wind Creek Aruba Resort a ricibi bishita di top funcionario di Marriott

Ta trata di David Marriott, Chairman of the Board di Marriott International

ORANJESTAD (AAN): Recien Renaissance Wind Creek Aruba Resort tabata tin e honor di e bishita di Sr. David Marriott, Chairman of the Board of Marriott International durante su estadia cortico na Aruba.

   Sr. Paul Gielen, Gerente General di Renaissance Aruba hunto cu e team ehecutivo como tambe diferente empleadonan di cada departamento tawata tin e oportunidad di saluda Mr. Marriott ayera. Mr. Marriott a keda impreciona cu e calidad y producto como tambe nos servicio y e ambiente cu nos resort ta ofrece. Aki tambe ta unda Mr. Marriott a haya e oportunidad di experiencia nos “Bar Ritual” acompanja pa un snack local prepara pa nos equipo culinario cu tabata completamente na su agrado.

   Sigur un momento di placer pa full nos equipo di ricibi e bishita special unda claramente por a sinti e aprecio na y di nos empleadonan cu ta brinda e trabou di excelencia tur día.