ORANJESTAD (AAN): Manera a wordo anuncia caba, e sorteo di Diahuebs anochi pa sorteo di Lotto di Dia a yega na e jackpot di rollover di 150.000 Florin.
E biaha aki, ta un solo ticket tabatin tur cinco number bon! Esaki a resulta di ta esun cu Reinhard tin.
Cu alegria el a yega Diabierna na oficina di Lotto na Playa pa asina reclama su premio. Aki nan a revisa su ticket pa check si el a pone su firma y tambe numbernan di banco, y ora di scan e barcode, e computer a confirma cu Reinhard a gana 150.000 Florin.
Mesora a sigui cu e proceso pa transferi e premio electronicamente pa su cuenta di banco. Reinhard a indica cu e ticket ganador el a cumpra na Djiespie’s Place.
