Personal di Aruba Ports awor cu mas conocemento riba seguridad

ORANJESTAD (AAN): E siman aki e Security Department di Aruba Ports Authority N.V. (APA) a hiba un security awareness training pa personal di APA.

   E training tabata enfoca riba e importancia di e International Ship and Port Facility Security (ISPS-code) pa cu maneho di seguridad di puerto crusero di Oranjestad y pa pais Aruba. E training di concientizacion aki a enfoca riba e significacion di e ISPS-code, e rekisitonan di diferente nivel di seguridad di puerto, reconocimento di obhetonan y substancianan prohibi, reconocimento di conducta y caracteristicanan di personanan cu ta of por ta un posibel menaza pa e seguridad di e puerto y tambe riba tecnicanan pa evadi control y sistema di seguridad di e puerto.

   Adicionalmente e training tambe a enfoca riba e responsabilidad di tur usuario cu tin un access badge di APA y pa cu cumplimento cu reglanan pa e uso di e badge. Den e simannan venidero, lo continua cu e trainingnan na demas personal di APA.  Sigur un bon trabao di parti e funcionarionan di Security Department di APA