ORANJESTAD (AAN): Riba Diabierna a tuma lugar na EPB Oranjestad nan eleccion di Reina di Carnaval.
Un total di ocho candidata di diferente sector di e scol a participa pa e corona, y e respaldo di studiante- y famia tabata grandi. E competencia final a tuma lugar den auditorio grandi di e scol.
E candidatanan cu participa tabata Xihara (candidata 1), Tanisha (candidata 2), Milienys (candidata 4), Nicole (candidata 5).
Tambe tin Ruthceline (candidata 6), Shaqiena (candidata 7), Zanny (candidata 8), y Lizabeth (candidata 9).
Resultado: Na final e resultado a bira, cu Reina Ciclo Basico a bira Nicole Leon. El a wordo corona door di docente Irina Croes.
Reina Beroepsonderwijs a bira Zanny Quimper. El a wordo corona pa conocido diseñador Endy Croes. Reina Popular a bira Milienys Gutierrez.
Premio di Best Speech a bay pa Nicole Leon. Premio di Best Show a bay pa Ruthceline Zievinger. Premio di Best Dress a bay pa Ruthceline Zievinger.
Un palabra di pabien na tur candidata, y tambe felicitacion na e organziadornan cu e fenomenal eleccion di reina aki. Hopi admirabel e show tabata.
https://diario.aw/categories/noticia/general/reina-di-epb-oranjestad-a-bira-conoci#sigProId66be665063
