ORANJESTAD (AAN): Pa por bin na remarke pa vota den e proximo eleccion di Tweede Kamer na Aruba, Curaçao, y St. Maarten,
bo por registra awor te cu 17 di September 2025. Representacion di Hulanda (VNO) lo sirbi como briefstembureau di 22 pa 29 di October. Bo por deposita bo voto eynan entrante 22 di October, basta bo a registra na tempo.
Con votamento na Aruba lo ta: E Representacion di Hulanda den e tres paisnan lo sirbi como briefstembureau.
Ta transforma e oficina temporalmente como un stembureau, cu tur regulacion di privacidad y seguridad na su luga. Aki ta unda e votonan lo wordo colecta, controla, conta y despues publica.
A biba na Hulanda pa por lo menos 10 aña? Bo por vota! Ken por vota pafo di Hulanda? Tur hende cu a biba na Hulanda por lo menos 10 aña por registra pa vota pa miembronan di Tweede Kamer. Ciudadanonan Hulandes Europeo cu (recientemente) a muda pa Aruba, Curaçao of St. Maarten tambe mester inscribi pa vota for di exterior.
Empleadonan di Servicio Publico Hulandes: Empleadonan di Servicio Publico Hulandes den exterior tambe ta eligibel pa vota. Ademas, nan casa, pareha, mayor of voogd kende ta biba na e mesun adres tambe por registra pa vota.
Inscribi te cu 17 di September: DIARIO a compronde cu registracion ta habri te cu dia 17 di September 2025, via e pagina di Inscripcion pa residentenan di Aruba, Curaçao, y St. Maarten. Esaki ta na e website aki:
Yena e formulario, download e documentonan necesario, y lo bo ricibi un confirmacion di bo registracion via e-mail. Bo a inscribi caba pa vota den eleccionnan anterior? Despues sigui e instruccionnan cu bo ta ricibi via e-mail for di Stembureau di Den Haag.
Busca un Briefstembewijs: Votadornan registra pafo di Hulanda lo ricibi un prueba di votacion postal pa por vota via post na Representacion di Hulanda. Prome cu dia di eleccion, bo por busca bo Briefstembewijs, un envelop di regreso oranje y un envelop di carchi di vota blanco cerca Representacion di Hulanda. Ta anticipa cu esaki lo ta posibel entrante 1 di October. Por busca e Briefstembewijs tambe ora e votado bin vota.
Vota entre 22 y 29 di October 2025: Por busca prueba di votacion postal cerca Representacion di Hulanda entrante 1 di October. For di e momento ey, bo por vota via post. Ta mas facil pa bishita Representacion di Hulanda personalmente pa vota entre 22 y 29 di October, of bo por autoriza un hende pa vota na bo nomber di antemano. Por haya tur e reglanan na www.stemmenvanuithetbuitenland.nl.
