ORANJESTAD (AAN): Diabierna mainta un situacion di emergencia a presenta den Zoutmanstraat na Playa,
ora cu personal di NV Elmar a haya necesario pa cambia un palo di luz eynan. Esey a pone cu mester a desconecta coriente banda di 10:30 am den area di Zoutmanstraat y tambe Caya Ernesto Harms (ex-Lagoenweg).
Nan a calcula cu e trabao lo bay dura entre 3 pa 5 ora pa e reemplazo urgente di e palo di luz aki. Pero personal di NV Elmar a demostra cu nan ta hopi balente y a traha duro pa asina a keda cla un poco despues di 1’or di merdia. Bon trabao haci, den tur e calor di merdia. Pabien na e tecniconan cu a haci un trabao excepcional. Potret cortesia NV Elmar.
