ORANJESTAD (AAN): Comemento di noot semper ta wordo mira como un pasaboca cu ta bon pa bo curazon,
y cu bo mester come mas di nan. Pero un recall nobo na Merca, ta urgi consumidornan pa no come nada di esaki di un marca pa awor.
Si nootnan di pecan ta bo faborito, sea basha den papa of benta den salada, of djis comiendo nan uno-pa-uno cu bo mannan, check e producto cu bo tin den cashi. Pasobra aworaki mas di 32.000 liber di productonan di pecan ta wordo recall debi na posibel contaminacion di Salmonella.
E compania Navarro Pecan Holdings a caba di emiti un recall boluntario bao guia di FDA di Merca, debi na riesgo di salud. E recall ta valido awor na Augustus 2025.
FDA ta adverti cu si bo uza of tene algun di e nootnan aki di pecan den bo man, e por ocasiona problema serio cu bo salud. E productonan aki a wordo bendi na Merca na Arkansas, Minnesota, New Jersey, Oklahoma, y Texas. Internacionalmente nan a wordo bendi na Hulanda, Italia, y Emiratonan Arabe Uni.
E recall ta inclui varios producto di pecan di Navarro Pecan. Nan ta Navarro Pecan Fancy Medium Pecan Pieces (code 81124), Navarro Pecan Fancy Midget Pecan Pieces (code 81086), Navarro Pecan #15 Fancy Halves (code 79291), y Navarro Pecan Fancy Small Pecan Pieces (code 81014).
Si bo tin e productonan aki, por fabor benta nan afo mesora.
