Reapertura di Cruz Cora Branch na San Nicolas

ORANJESTAD (AAN):   Cruz Cora tabatin un ceremonia special na San Nicolas den cuadro di nan localidad nobo.

Indra Pereira, Coordinador di Marketing y Fundraising pa Cruz Cora Aruba a remarca cu esaki ta un reapertura ya cu esaki ta e di tres biaha cu ta haci un reapertura.

            A agrega cu rond di 6 aña pasa a cuminsa huur e edificio aki cu semper tabata conoci como e post di Cruz Cora durante carnaval den Lagoweg. Pa hopi aña tabata uza e lugar aki y despues a bin e oportunidad pa por huur'e. Despues a bin Covid y a cera. Ora Covid a caba a habri atrobe.

            Kier ta asina cerca di comunidad cu semper ta realisa un evento pa invita tur hende pa asina laga sa cu Cruz Cora tey atrobe den un edificio renoba. A pasa den tres luna di renobacion total.

            Indra Pereira a duna di conoce cu Cruz Cora tin varios programa ademas di duna les y ayudo social. Aworaki e luga a bira hopi mas practico pa asina integra mas actividad pareu manera e 'Food Kitchen', caminda ta brinda cuminda na esnan den necesidad un y e 'Care & Share Outlet' unda ta bende paña di segunda mano y articulonan pa cas.

            Na mesun momento tin un sala pa huur, proyectonan social, ta ricibi hende grandi, etc, Pereira a indica.