ORANJESTAD (AA)—En conexion cu e siman di Servicio di Ambulance, señor Raymond Maxwell, Senior Facilitator at EduMax Training & Consultancy,
a duna un charla pa e personal di Ambulans tocante e tema “Confianza”.
Señor Maxwell a sinti su mes y a expresa esaki, hopi honra di duna e charla aki, na e grupo di trahador di Ambulans. Pesey su tema tabata Trust-Confianza.
El a cuminza pa splica cu Confianza por speed hopi trabao y baha hopi gasto of e por baha speed di trabao y subi e gasto. El a señala cu bo por haci tur cos bon, strategia por ta bon, pero si bo no tin e confianza bo no ta bay haya e resultado desea.
“Pues, mi a elabora hopi riba e tema di confianza, cu yama ‘Speed of trust’ mi a uza un par di video cortico tambe pa nan por a haya e mensahe con importante confianza ta”, Maxwell a indica.
El a señala cu e ta mescos cu aire, mientras e tey bo no ta worry, pero si nan kite bo ta worry di biaha. Confianza ta mes cos. Mientras tin confianza tur cos ta bay bon, lihe na trabao. Pero manera e confianza kibra, bo ta sinti’e di biaha.
“Otro tema cu mi a touch cu nan cu nan a topa tur dia cu ne, ta e di cuater of cinco generacion, e diferencia pa nan por compronde e diferencia entre nan, no pa ataca of papia malo, pero pa compronde nan balor, traha riba nan fortaleza pasobra tur cuater of cinco generacion cu nos ta den dje aworaki, tin nan norma y balornan y nos tin cu acepta, nos no tin cu bay den discusion pero ta importante pa por ‘share’ loke nan por bon y loke ami por bon, anto no bringa otro”, señor Raymond Maxwell a subraya.
