Entrante 1 di Februari 2023
ORANJESTAD (AAN): Prof. dr. Raymond Gradus ta renuncia entrante dia 1 di februari 2023 como presidente di Colegio di supervision financiero di Curaçao y St. Maarten, Colegio di supervision financiero di Bonaire, St. Eustatius y Saba y Colegio di supervision financiero di Aruba.
Cu esaki su di dos termino ta finalisa un poco prome cu e fecha riba cual e mester a expira, esta dia 1er di juli 2023.
Sr. Gradus ta alavez catedratico di administracion y economia di sector publico y sector sin animo di lucro na Vrije Universiteit di Amsterdam. Combinacion di e dos funcionnan menciona ta un responsabilidad masha pisa, asina e ta menciona.
Ademas durante e lunanan binidero Gradus kier haci varios biahe dirigi riba mundo academico. E ta mira atras riba añanan emocionante y intensivo como supervisor di e islanan y paisnan di ex-Antia Hulandes. Actualmente ta buscando un sucesor apto, kende lo cuminsa entrante dia 1 di februari 2023.
Prof. dr. Gradus ta presidente di Cft desde dia 1e di juli 2017. Riba 1 di juli 2020 a renombra dr. Gradus pa un di dos periodo di tres aña. Banda di su funcion di catedratico e ta vincula tambe na Departamento di Accounting di Vrije Universiteit y na Centro Zijlstra pa Control Publico, Liderazgo y Gobernacion (Zijlstra Center for Public Control, Leadership & Governance) y e ta miembro di nivel halto di Instituto Tinbergen.
Prof. Gradus tin varios publicacion cientifico riba su nomber tocante, entre otro, seguridad social, cogobierno, maneho di medio ambiente y finansa publico. Ademas e ta presidente di e Comision di Auditoria di Conseho di Supervision di Scol Superior di Den Haag (HHs)
