Raportahe Grafico di haci Bestuurkantor bira ros

ORANJESTAD (AAN): E siman aki, Gobierno a dicidi na duna honor na e tema principal di luna di October, esta concientizacion di cancer.

E ceremonia di ilumina Bestuurskantoor na ros, a conta cu participacion di doctor Vanessa Williams y e discursonan di Minister Mervin Wyatt-Ras y Prome Minister Mike Eman. E iluminacion di Bestuurskantoor den color ros ta forma parti di e campaña Make Aruba Pink, cu ta busca crea mas conscientisacion tocante cancer na pecho y motiva ciudadanonan pa haci nan chekeonan di salud na tempo.

   Durante su discurso, Prome Minister Eman a expresa su aprecio na tur esnan cu a haci e programanan di screening posibel, como tambe na personanan y organizacionnan cu ta traha diariamente pa conscientisa comunidad tocante cancer.

   Cu e iluminacion ros di Bestuurskantoor, Gobierno di Aruba ta reafirma su solidaridad cu tur persona afecta pa cancer y e importancia di sigui traha hunto pa un Aruba mas saludabel, consciente y solidario.  Riba combinacion di potret por mira mas di e acto oficial.