ORANJESTAD (AAN): Un bon noticia, ora cu a haya sa cu Radisson Blu Aruba ta invita tanto habitantenan di Aruba y
tambe bishitantenan pa tuma un break bon mereci, cu nan ‘Wellness Retreat’, cu lo bay ta for di 10 te cu 13 di December. E experiencia bon prepara di 3 anochi aki, ta ofrece e oportunidad pa bo distancia bo mes di responsabilidadnan di tur dia, recarga, y conecta cu bo mes.
E lo ta mas cu un simple alehamento tradicional pa bienestar. Esun aki lo celebra e spirito autentico di Aruba via di experiencianan significante inspira pa naturaleza di Aruba, cultura, y talentonan local.
Na cabez di e retreat (‘retiro’) aki ta e practicante local di wellness, esta Janine Vallecillos, kende ta fundadora di Natura Holistic Aruba, cu ta trece su pasion pa bienestar holistico, e atencion completo, y conexion personal. Hunto cu profesionalnan local di bienestar y empresarionan creativo, e retiro ta ofrece movimento consciente, meditacion, un workshop di cuido-propio cu aloe, actividadnan creativo, y un ritual di cacao y movimento riba beach.
Cu un maximo di 20 participante so, e retiro ta ofrece un ambiente intimo unda e huespednan por aleha di e rutinanan diario y experimenta e bienestar na nan mesun ritmo. Pa habitantenan di Aruba, e retiro ta ofrece un chens di aleha di responsabilidadnan di tur dia, y disfruta di un escape refrescante riba e isla mes.
Cu e iniciativa aki, Radisson Blu Arub ata sigui crea experiencianan autentico riba e isla, sosteniendo empresarionan local, y crea conexion significante entre hospitalidad, wellness, y comunidad di Aruba. Keda pendiente pa mas informacion riba e Wellness Retreat aki.