Raad van Advies a haci entrega di nan Relato Anual 2021

ORANJESTAD (AAN): Dialuna dia 28 di maart 2022 Conseho Consultativo (Raad van Advies) a entrega su relato anual di aña 2021 na Prome Ministro señora mr. Evelyn Wever-Croes.

E relato anual ta accesibel riba e website di Raad van Advies.

   Manera costumber e relato anual ta contene no solamente un resumen di e trabaonan haci durante e aña, sino tambe un bista critico riba e desaroyonan durante dicho aña.

   Den e tema di relato anual cu e biaha aki ta carga e titulo- Voorstellen van Rijkswet- Kansen en Uitdagingen, ta evalua e desafionan y oportunidadnan cu ambos Rijkswetten ta crea pa Aruba. Raad ta urgi gobierno, parlamento y otro stakeholdernan pa haci uzo di e oportunidadnan y enfrenta e desafionan den un manera proactivo

   Esun cu ta desea di sa mas tocante e trabaonan di Raad van Advies den aña 2021 y e tema menciona, por consulta e relato riba e website di Raad: www.rva.aw.