R.C.A. ta gradici tur cu a contribui cu nan fundraising B.B.Q.

ORANJESTAD (AAN): Diasabra pasa e Tricolornan di Solito tabata tempran riba pia pa asina brinda un sabroso plato cu a resulta den un dia familiar grandioso y cu a logra e meta principal di recauda fondo.

            Miembronan di directiva y boluntarionan a cuminsa cu preparacion algun dia prome. Diasabra for di mainta tempran a yega esnan cu a comanda, dirigi y para na grill.

            Tambe e grupo di damas tricolor y hobennan futbolista cu a yuda prepara tur cos.   Directiva ta yama danki di curason na tur leidsters, coaches, mayornan y fanaticonan cu a yuda den tur forma pa por a cater un cantidad grandi di B.B.Q.