Refiriendo na Plataforma Intervencion Trempan Aruba
ORANJESTAD (AAN): Terry Gumbs a participa den e conferencia di prensa, yama pa “Plataforma Intervencion Trempan Aruba”, como miembro di e plataforma pero tambe como mayor cu tin un yiu cu Down Syndrome.
Señora Gums ta hopi contento cu un grupo asina a wordo instala unda mayornan ta participa tambe den dje, pasobra na final di dia ta e mayornan ta 24/7 cu e mucha.
Mayornan tin hopi experiencia tambe cu nan por trece na e grupo, y cu nan por sinta cu e profesionalnan tambe, anto hunto por forma un forza pa yuda e mucha special of cu tin deshabilidad.
Señora Gumbs ta forma parti di un par di grupo di mayornan cu ta bin hunto y, un di nan, ta bezig cu inclusion y nan ta bezig cu un plataforma di modelahe y baile y nan ta bin dilanti hopi. Nan ta hopi mayor cu no ta sconde ni tin berguenza di nan muchanan special, y nan ta tuma parti den tur cos cu tin na Aruba.
El a menciona otro organizacion cu yama “Sea bunita sea bo mes” cu tambe ta forma un grupo hopi grandi, y semper nan ta wak pa e bienestar di e muchanan, no solamente den actividad pero den enseñanza tambe. Nan ta haya nan fear share di gobierno. Nan ta pone gobierno responsable tambe, pero mester wak e sociedad, y no gobierno so, pero henter comunidad con ta anda cu e muchanan of cu hende cu tin menos capacidad; esta, muchanan special y e grandinan.
“Sociedad lo wak nos y nos ta pone tur responsable, con nos tur lo actua cu hendenan cu tin limitacionnan. Pesey mi ta akinan awe, y mi ta sumamente contento cu e docter por a bin akinan, anto despues un otro docter ta yega”, Gumbs a menciona. El a bisa cu e no ta papia solamente pe como mayor y pa su yiu, pero pa tur otro mucha y tur otro mayor pero e ta sumamente orguyoso di por conta cu un plataforma asina.
