Quota y FEPOH a bishita scol pa duna charla y test di oido

ORANJESTAD (AAN): Pa prome biaha e organizacion, Quota Aruba, den colaboracion cu Fundacion FEPOH

(Fundacion pa esnan cu problema di Oido y Habla) a bishita Colegio Nigel Matthew y Colegio Arubano.

   Durante e bishita aki, nan a ofrece charla informativo riba importancia di cuido pa bo oido y tambe a haci test di oido na alumno.

   E actividadnan aki a ricibi hopi interes di banda di e studiante, cu tabata hopi interesa pa siña con por cuida su oido y tuma un rol activo den su bienestar. E testnan di oido ta un yudansa pa detecta trempan cualke problema cu por ta presente y tabata un oportunidad importante pa conscientisa e hovennan riba salud auditivo.

   Quota Aruba ta sigui comprometi cu su mision pa aumenta concientizacion den comunidad, y specialmente entre e generacion hoben, tocante salud di oido. E campaña di educacion y test lo sigui den otro scol y comunidad den futuro.