Quota International of Aruba a instala Directiva nobo pa 2026-2027

ORANJESTAD (AAN): Quota International of Aruba a celebra cu hopi orguyo e instalacion di su directiva nobo pa e periodo 2026-2027 durante un ceremonia cu a tuma luga dia 26 di april 2026 na Hilton Aruba Caribbean Resort & Casino.

   Hunto cu miembronan, famia, amistadnan y invitadonan distingui, e atardi a refleha e espirito di servicio, amistad y dedicacion cu ta guia e mision di e organizacion na Aruba. E programa a inclui un invocacion di Quotarian Sulaika Kelly, palabranan di e presidente saliente Juliska Harms, y e instalacion oficial conduci pa Quotarian Ivy Simon-Hernandez.

   Na cabes di e organizacion pa e siguiente periodo ta e presidente nobo Farida Feliciana-Figaroa, hunto cu un directiva entusiasma y comprometi pa sigui cu e tradicion di servicio comunitario y impacto positivo di Quota.  E Directiva 2026–2027 ta consisti di president Farida Feliciana-Figaroa.  Vice-President ta Irlene Croes-Jansen.  Secretaria ta Vicky Arens Tjon-A-Tjoe.

   Como Tesorera tin Caresse Arends.  Directora di Statuto ta Ghislaine de Kort.  Directora di Desaroyo y Crecimento ta Jo-Anne Croes.  Directora di Servicio ta Mirugia de Cuba.

    Quota International of Aruba tambe a expresa su gratitud sincero na e directiva saliente pa nan compromiso y liderato durante e periodo cu a pasa. Cu energia renoba y un proposito comparti, e directiva nobo ta mira padilanti pa sigui sirbi comunidad y sigui haci un diferencia significativo na Aruba.