Quota International of Aruba a instala directiva 2024-2025

ORANJESTAD (AAN):  Diadomingo 2 di juni, Quota International of Aruba a instala oficialmente su directiva 2024-2025.

            Esaki a tuma lugar durante un brunch ameno na Renaissance Conference Center den presencia di miembronan di Quota,

invitadonan y representantenan di e otro clubnan di servicio.

            E directiva nobo di Quota International of Aruba pa aña 2024-2025 ta consisti di:

Presidente – Juliska Harms

Vice Presidente - Ivy Simon-Hernandez 


Secretaria – Isabel Dammers -Alves


Tesorera – Elaine Geerman 


Directora Bylaws– Farida Feliciana-Figaroa 


Directora Development and Growth – Janique Schilders


Directora Servicio – Stella Montsanto

            Na e ocasion aki e Presidente saliente Ivy Simon-Hernandez a refleha riba e exito di e anja cu a termina, e donacion nan cu Quota a haci y e proyectonan di servicio. Ivy a agradece tur esnan cu a contribui y haci su slogan “Sirbiendo Comunidad cu Curason” bira realidad.

            Recientemente Quota a haci donacion pa un suma di 100 mil. Esaki tabata posibel cu Quota su exitoso fundraising “Denim & Bling” y tambe e benta di e earplugsnan durante periodo di Carnaval.

            E Presidente nobo 2024-2025 Juliska Harms su slogan ta: “Empowering Change - Shaping Tomorrow”.  Presidente Juliska Harms a enfatisa e necesidad pa sigui sirbi esnan den necesidad, especialmente hende mujer y muchanan y esnan cu problema di oido y habla. Quota su compromiso ta pa haci un cambio tangible y esaki lo sigui guia nos.

            Empodera esnan cu mester, ta cuminsa cu cada un di nos mes pa actua cu inspiracion y dedicacion.  Sigui traha junto ta importante, nos forsa mas grandi ta den union y un vision comparti pa un mundo mihor.

            Quota International of Aruba ta un club di servicio pa muhernan profesional, estableci na Aruba desde 1987.

            Ademas di brinda servicio na nos comunidad, tambe ta brinda oportunidad na e miembronan pa hasi networking y socializa.