ORANJESTAD (AAN): Payroll Pro HRM, e software lider den maneho di payroll y human resources (HR)
ta anuncia e integracion exitoso entre Payroll Pro HRM y Dyflexis. Dyflexis ta e software renombra pa maneho di forsa laboral.
E colaboracion entre Payroll Pro HRM y Dyflexis ta un paso strategico pa ofrece un solucion completo den e maneho di payroll, HR y di e forsa laboral na organizacion nan di tur tamaño. E integracion aki ta duna usuarionan e oportunidad pa sincronisa data di empleadonan, schedules, control di orario y informacion di payroll y HR entre e dos sistema, cual ta mehora productividad y e resultadonan.
Beneficio clave di e integracion ta:
(*) Sincronisacion di data di un manera facil: E solucion integra ta sigura cu e informacion di empleadonan, schedules y control di orario ta sincronisa automaticamente entre Payroll Pro HRM y Dyflexis, esaki ta reduci e entrada di data manual y ta reduci riesgo di eror cu por worde cometi.
(*) Reporte den tempo real: Combinando e capacidad nan di maneho di Dyflexis y e reporte nan di Payroll Pro HRM, e usuario por haya datonan pa analisa den tempo real (‘real-time’), cual ta yuda pa tuma decision nan di un manera rapido.
(*) Eficiencia di costo: E integracion ta yuda organizacion spar tempo y recurso, eliminando e necesidad pa entrada manual di data y mehorando e eficiencia.
(*) Mehoramento di experiencia di empleado: Empleadonan ta beneficia di e proceso integra, payroll corecto y mehoracion den schedule y control di orario, cual ta trece mas satisfaccion den e trabao y mas productividad.
“Nos ta emociona pa e integracion cu Dyflexis, pues e ta alinea cu nos compromiso pa provee solucion nan innovativo pa nos clientenan,” ta loke Teiry Croes, marketing manager di Payroll Pro HRM, a declara na DIARIO.
El a sigui bisa: “E colaboracion aki ta yuda organizacion nan pa maneha nan forsa laboral di un manera mas eficiente, resultando den un productividad y excelencia operacional mehora.:
Pa mas informacion tocante e integracion entre Payroll Pro HRM y Dyflexis y con e por beneficia bo organizacion, por tuma contact cu bo distribuidor local di Payroll Pro HRM of e website di:
Dyflexis ta un proveedor renombra di software pa maneho di forsa laboral, entre otro e maneho di scheduling, planificacion di tempo/orario y di forsa laboral pa organizacion nan den varios industria. Nan software ta permiti organizacion nan traha mas eficiente, reduci costo di labor, y mehora productividad.
