Quota International convenci cu e proyecto aki a haci berdadero impacto

ORANJESTAD (AAN): Pa ultimo diescinco aña, Quota International of Aruba a bin ta dedica pa concientiza comunidad pa cu proteccion di oido, via di presentacionnan haci na scol. 

Ultimo simannan e grupo tabata activo ta duna presentacion na scolnan, y esaki a bay bao guia di Glenn Rock, kende ta Safety Coordinator na WEB Aruba NV.  E tabata un persona instrumental pa educa studiantenan riba e importancia di proteha nan oido.

   Tambe Quota International of Aruba ta manda palabra di danki na tur miembro cu a yuda como boluntario pa haci e proyecto aki un exito.  Boso dedicacion a yuda nan trece informacion balioso tur caminda, y crea un comunidad mas informa.

   Quota International of Aruba ta convenci cu e proyecto aki a haci berdadero impacto.