ORANJESTAD (AAN): Un biaha mas One Love Foundation ta yudando concientiza pueblo pa cu cuido di animal riba e isla.
Pa 2025 nan ta ricibiendo inmenso sosten di e marca local ARUBIANO, cu ta orguyoso di ta forma parti di e bon causa aki.
Enfasis e dianan aki ta pa yuda recauda fondo pa e movimento di steriliza cachonan na Aruba. Nan ta organizando pa prome biaha un evento anual yama ‘Paws-itively Hilarious Stand Up Comedy Benefit’. Un show di comedia cu lo bay yuda grandemente cu recauda fondo, y e lo bay ta riba 21 di Maart 2025.
Nan a uni forza cu Aruba Ray's Comedy y demas artistanan local pa trece un anochi yena cu harimento, y bon humor pa uni comunidad. Bo por busca ticket di entrada pa e evento aki di Diabierna 21 di Maart 2025, cu lo ta for di 8:30 pm te cu 10:00 pm. Nan lo cobra pa entrada, y tambe tin prijs pa VIP. Pa check bo tickets bay na e website aki:
Pasobra ta importante pa sa cu tin VIP Tickets, como cu for di 7:00 pm te cu 8:00 pm, prome cu e evento, lo bay tin un VIP Cocktail Hour.
Na final tambe lo bay tin un After Show Dance Party cu ta di 10:30 pm te cu 12:00 am. Mas detaye di e actividad aki di One Love Foundation y ARUBIANO Brand lo ta poni pronto den DIARIO.
