Quota Club a reparti “Rina’s Buckets of Love”

ORANJESTAD (AAN):  Diasabra 13 di mei, miembronan di Quota Club a reparti baskets nan yena cu producto pa e damanan di Sacred Heart di San Nicolas na YMCA net un dia promer cu Dia di Mama.

            E proyecto di Quota aki a cuminsa na aña 2019 y despues cu Luz Marina (Rina) Gonzalez a fayece 15 di mei 2022, e miembronan di Quota a dicidi unanimamente pa yama e proyecto na su nomber.      Rina a inicia e proyecto na 2019 y ta consisti cu tur aña e miembronan di Quota ta aporta productonan y ta ser entrega na un fundacion.

            Rina tabata un miembro hopi activo di Quota e tabata Presidente y tambe a sirbi den directiva di e organizacion di Quota International. E aña aki a escoge e grupo di Sacred Heart di San Nicolas. Y e miembronan di Quota a prepara e basketnan y tambe cuminda y drigidek y boyo.

            Tambe Lady DJ a deleita cu musica pa esnan presente. Quota ta gradici tur su miembronan cu a haci esaki posibel y Quota ta contento di por a comparti un rato agradabel cu e damanan di Sacred Heart.