Pustamento ‘Mata Bichi’ tabata exitoso riba pista di Palo Marga

ORANJESTAD (AAN): Recientemente a tuma lugar riba pista di Palo Marga International Raceway Park awor cu capa nobo di asfalt, un evento di competencia cu a ser yama ‘Mata Bichi’.

   Hopi driver y manehador a participa, y a keda encanta cu e apoyo fenomenal di publico.  E organizadornan tambe ta contento con e competencia a finalisa tambe.

   Aki DIARIO ta presenta resultado di diferente categoria cu a pusta riba pista.

   Den Categoria Scooter, e ganador a bira Albert Pop.  Na di dos lugar a finalisa Dylan Geerman.

   Den Categoria Streetlegal Bike, e ganador a bira Adriane Winterdal.  Na di dos lugar a bin keda Pierre Wever.

   Den Categoria Streetlegal Car, e ganador a bira Derryl Wester.  Na di dos lugar a finaliza Darrel Franken.

   Tambe a duna premio pa e ‘Best Reaction Time’.  E driver cu mihor R.T. e biaha aki tabata Darrel Franken.  Aki por mira momento cu e Drivernan ta ricibiendo nan premio.