Diaranson venidero
ORANJESTAD (AAN): Por corda con na comienso di e aña aki den Januari, Aruba Conservation Foundation (e tempo ey yama Fundacion Parke Nacional Aruba) a re-introduci e parha ‘Yellow-Shouldered Amazon’ conoci riba e isla como “Lora” bek den naturalesa di e isla
E tabata un evento yena cu hopi emocion, unda tur Rangers, boluntarionan y partners den conservacion di naturalesa a presencia e realizacion di nan trabao duro. Despues di par di luna, mesora e Lora a custumbra y por mira y tendenan move rond den e area di Parke.
Cu e reintroducion di e criaturanan bunita aki, Aruba Conservation Foundation ta reconoce cu e preservacion di e Lora ta rekeri un esfuerzo colectivo, unda bo compromiso y accion ta crucial pa su conservacion. Lora pues a cuminsa bula bek riba Aruba, despues di tabata extincto pa mas cu 70 aña.
Awor nan ta bulando den Libertad, y despues di 9 luna e momento a yega pa duna un update riba e re-introduccion di Lora riba e isla.
Nan ta preparando un Anochi Informativo otro siman Diaranson 25 di September, unda nan lo comparti mas di nan sobrevivencia, comportacion, adaptacion, dieet, y mucho mas.
Pa bo acudi na e anochi di informacion aki “Bulando den Libertad”, bo tin di registra na e website aki pa bo tin lugar garantiza:
E anochi lo bay ta Aruba Experience Café na Emanstraat 37, y ta for di 7:00 pm te cu 8:00 pm. Entrada ta gratis, pero ta sumamente importante pa bo registra, como cu lugar ta limita.
