Pueblo di Aruba a eherce su derecho di voto den forma democratico

ORANJESTAD (AAN):  Dia di Eleccion a yega y den forma masal pueblo di Aruba a sali pa eherce e derecho di voto, cual ta un derecho constitucional.

Segun informacion di Registro Civil y Censo, e derecho di voto ta un derecho hopi importante pa e pueblo Arubano por eherce su influencia riba e constelacion di e organonan representativo, cu otro palabra pa participa den e decision politico (derecho di voto activo) como tambe pa por ser elegi (derecho di voto pasivo).

Na Aruba solamente Parlamento ta pertenece na e organo representativo. E derecho di voto ta un derecho politico participativo cu ta ancra como derecho fundamental den nos Constitucion y ta stipula mas detaya den entre otro e Ley electoral, e Decreto electoral y e Ley pa partido politico.

Registro Civil y Censo a emiti un total di 69.805 carchi di voto. Segun ley tur votado tin derecho di vota na forma liber. Votadonan tin derecho di elegi libremente pa cual partido of candidato nan ta vota, sin ningun obligacion.

Riba combinacion di potret por a mira diferente persona cu a sali riba caya cu nan bandera y nan -shirts cu e color di e partido di nan preferencia.